Ein milepæl i Fartein Valen-arbeidet - Nenia - Fartein Valen

Ein milepæl i Fartein Valen-arbeidet – Nenia

Urpremiere under Ultima-festivalen i Oslo mandag 15.september. 18.-19.september vert kammeroperaen Nenia framført i Haugesunds konserthus - Festiviteten. 8.oktober vert den framført under Oslo operafestival. Kom og opplev denne storhendinga med musikk av Kjell Habbestad og tekst av Paal-Helge Haugen! Speletid er ca 75 min., utan pause

Nenia

– ein kammeropera til minne om Fartein Valen

Dei to hovudpersonane i Nenia er Fartein og Sigrid Valen. Hendinga går føre seg ein dag i 1943, midt under 2.verdskrigen. Ein stad seier Sigrid:

Rosa er vakrast

like før den opnar seg

Då er alt mogeleg

I operaen møter vi Fartein og søstra Sigrid i sitt kvardagsliv. Kvardagens enkle tankar og plikter må etterkvart vike for krigens redsler og framtidsfrykt, og ikkje minst for minne som heimsøker Fartein frå det liv han har levd, heilt frå barndomens Madagaskar til den vaksne komponistens tid i Berlin. Her er levd liv, men også draumar om det som livet hans aldri gav plass for. Stemmer og figurar dukkar opp og forsvinn, før vi til slutt er attende i Farteins nære kvardagslege verd, i Valevåg, like før vinter må vike for vår. Nytt liv gror fram, og med det håpet. Handling og musikk får fram denne spenninga som komponisten levde i. ”Min tid kommer nok” sa han ofte.